Владимир Зеленскийнинг инаугурацияси жорий йилнинг 3 июнь кунигача бўлиб ўтади. Унгача янги сайланган президент 41 ёшга тўлишга улгуради. «Tengrinews» дунёда Зеленскийдан ҳам ёш бўлган давлат ва ҳукумат раҳбарларини келтириб ўтди.
Дунё бўйича энг ёш раҳбар бу Автрия федерал канцлери Себастьян Курс бўлиб, у 32 ёшда.
Сан-Марино республикасида олий сиёсий лавозимни иккита капитан-регентлар эгаллайди. Улардан бири 35 ёшли Микеле Муратори бўлиб, у жорий йилнинг апрелида сайланди.
Грузия Бош вазири Мумука Бахтадзе 36 ёшда.
КХДР раҳбари Ким Чен Ин 37 ёшда. У 27 ёшлигида Шимолий Корея раҳбари бўлган.
Қатар амири Тамим ибн Ҳамад ал-Тани 33 ёшида тахтга ўтирган. У мамлакат мустақиликка эришганидан буён энг ёш амир бўлган.
Джигме Кхесар Намгял Вангчук 2006 йилдан буён Бутаннинг олтинчи қироли ҳисобланади. У 26 ёшлигида тахтга ўтирган. Ҳозирда монарх 39 ёшда.
Коста Рикани 39 ёшли Карлос Алварадо Кесада бошқариб келмоқда.
Еменда мамлакатнинг асосий раҳбар органи Олий сиёсий кенгаш ҳисобланади. Ўтган йилнинг апрель ойидан бошлаб уни 39 ёшли Maxди ал-Машад эгаллаб келмоқда.
Рўйхатнинг сўнгги поғонасида 40 ёшли Лео Варадкар бўлиб, у Ирландия ҳукумати раҳбари ҳисобланади.
Изоҳ (0)