22 апрель, душанба куни Таиланднинг Бангкок шаҳрида бокс бўйича Осиё чемпионатининг тўртинчи кунида навбатдаги жанглар ўтказилмоқда.
-69 кг вазн тоифасида Ўзбекистон номидан рингга чиқаётган Шаҳноза Юнусова мусобақадаги иккинчи жангини япониялик Макото Кикучига қарши ўтказди. Уч раундлик жангда Юнусова очколар ҳисобига ғалаба қозониб, ярим финалга чиқди.
Аввалроқ эркаклар ўртасида ўзбекистонлик икки нафар боксчи Нодиржон Мирзааҳмедов ҳамда Миразиз Мирзаҳалилов ҳам ғалаба қозониб, камида бронза медални нақд қилди. Шунингдек, аёллар ўртасида Ёдгорой Мирзаева ҳам рақибини мағлуб этиб, ярим финалга чиқди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)