20 апрель, шанба куни Таиланднинг Бангкок шаҳрида бокс бўйича Осиё чемпионати давом этмоқда.
Аёллар ўртасида -69 кг вазн тоифасида Ўзбекистон шарафини ҳимоя қилаётган Шаҳноза Юнусова тожикистонлик боксчи Нилуфар Бобоёровага қарши рингга кўтарилди.
3 раунд давом этган жангда Шаҳноза рақибини очколар ҳисобига мағлубиятга учратиб, мусобақанинг кейинги босқичига йўлланмани қўлга киритди.
Аввалроқ эркаклар ўртасида -49 кг вазн тоифаси вакили Нодиржон Мирзааҳмедов япониялик рақиби Даичи Ҳасебе устидан ғалаба қозонган бўлса, -60 кг вазн тоифасида Ўзбекистон шарафини ҳимоя қилаётган Шукуржон Раҳимов илк жангида шимолий кореялик Ман Чо Чолни очколар ҳисобига мағлуб этди.
Шунингдек, аёллар ўртасида -54 кг вазн тоифасида рингга чиққан Турсуной Раҳимова хитойлик Kiaн Шига имкониятни бой бериб қўйганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)