19 апрель, жума куни Таиланд пойтахти Бангкок шаҳрида бокс бўйича Осиё чемпионати старт олди.
Ўзбекистон терма жамоасининг эркаклар ўртасида -69 кг вазн тоифаси вакили бўлган Бобоусмон Ботуров мусобақадаги ўзининг биринчи жангини мўғулистонлик боксчи Баярку Ганбаатарга қарши ўтказди. У рақибини 2-раундда техник нокаутга учратиб, жангни муддатидан аввал ўз фойдасига ҳал қилди. Натижада ўзбекистонлик боксчи кейинги босқичга чиқди.
Қайд этиш жоиз, куннинг биринчи жангида Шунқор Абдурасулов (-64 кг) ироқлик Кадим ал-Эзирени мағлуб этиб, иккинчи босқич йўлланмасини қўлга киритганди.
Бугун, шунингдек, аёллар ўртасида эса ўзбекистонлик Ёдгорой Мирзаева (-57 кг) шри-ланкалик Кришмига қарши рингга кўтарилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)