18 апрель, пайшанба куни футбол бўйича Ўзбекистон Суперлигаси 5-тури доирасида «Андижон» жамоаси ўз майдонида Қаршининг «Насаф» клубини қабул қилиб, 3:1 ҳисобида ғалаба қозонди.
Беллашув якунидан сўнг Андижон вилояти ҳокими Шуҳрат Абдураҳмонов мезбон жамоа ўйинчиларининг ҳар бирини 10 миллион сўм мукофот пули билан сийлади.
Бундан ташқари жамоа тарбияланувчиси Фарҳод Бекмуродовга янги Chevrolet Gentra автомобили калити топширилди.
Қайд этиш жоиз, андижонликлар 5-турга келибгина ўз майдонидаги илк расмий ўйинни ўтказди. Беллашув яқиндагина тўлиқ реконструкциядан чиқарилган «Соғлом авлод» стадионида бўлиб ўтди. «Дарё» мухбирининг хабарига кўра, учрашувни стадиондан бевосита 20 мингга яқин мухлис кузатган.
Маълумот учун, 5-турдан сўнг «Андижон» жамоаси 5 очко тўплаган ҳолда мусобақа жадвалида 9-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)