Тошкент шаҳрида 3 дона контейнерни 1800 долларга сотмоқчи бўлган фирибгар аниқланди. Бу ҳақда Тошкент минтақаси темир йўл транспортида хавфсизликни таъминлаш бошқармаси тергов бўлими бошлиғи Шерзод Холмуротов «Дарё»га хабар қилди.
Маълум бўлишича, фуқаро Қ.У. гўёки ўзига тегишлли бўлган, «Азиа транс терминал» юк саройида турган 3 дона контейнерни фуқаро И.Р.га сотишни ваъда қилиб, ундан алдов йўли билан 1800 доллар олади.
Ҳолат юзасидан олиб борилган суриштирув ишлари натижасида, Қ.У. муқаддам худди шу турдаги содир қилган жинояти учун жорий йилнинг январь ойида бир йил муддатга ахлоқ тузатиш ишлари жазоси тайинланганлиги аниқланган.
Тергов бўлими томонидан фуқаро Қ.У.га нисбатан Жиноят Кодексининг фирибгарлик моддаси билан жиноят иши қўзғатилиб, давтлабки тергов ҳаракатлари олиб борилмоқда.
Изоҳ (0)