Бугун, 18 апрель куни Facebook ижтимоий тармоқ саҳифаларининг бирида Кичик ҳалқа автомобиль йўлининг автомобиллар қайрилиб олиши учун мўлжалланган (разворот) қисмида, овқатланиш шохобчасининг рекламаси ўрнатилганлиги ва бу ҳолат йўл ҳаракати иштирокчиларига ноқулайлик туғдираётганлиги ҳақида эътирозлар баён этилган. Бу ҳақда Тошкент шаҳар ҳокимлиги матбуот хизмати хабар берди.
Шаҳар ободонлаштириш қоидалари бузилганлиги учун Тошкент шаҳар ҳокимлиги ва ИИББ томонидан муаммо ўрганилди, ноўрин жойга ўрнатилган реклама баннери олиб ташланди.
Эслатиб ўтамиз, рухсатсиз, белгиланмаган жойда реклама материалларини ўрнатган шахсларга нисбатан Маъмурий жавобгарлик тўғрисидаги Кодекснинг 161-моддасига асосан, 202 730 сўм миқдорида жарима қўлланилади.
Изоҳ (0)