Нью-ёрклик аёл Кеймония Редиш Бронс шаҳрида жойлашган касалхона ва тўрт нафар шифокорни судга бериб, 110,6 миллион доллар компенсация ундирди, деб ёзади Forum Daily.
Маълум бўлишича, бемор Кеймония Редиш 2010 йилда астма хуруж қилгани сабабли St. Barnabas касалхонасига келган.
Шифокорлар уни яхшироқ хизмат кўрсатувчи бошқа касалхонага йўлланма бериши керак бўлган. Шунда беморнинг бош миясига карбонад ангидрид кириши олди олиниб, унинг соғлиғига тиклаб бўлмас зарар етказилишидан сақлаб қолиш мумкин эди.
Лекин шифокорлар уни олиб қолган ва аёл 326 кун давомида касалхонада, сўнг қариялар уйида ётган.
Хабарда қайд этилишича, ҳозирда аёл ўз уйида бўлиб, уни турмуш ўртоғи парвариш қилмоқда. Касаллик оқибатида аёл ногиронлар аравачасида ҳаракатланади, нутқида ҳам камчиликлар бор.
Изоҳ (0)