АҚШнинг Миннесота штатита 25 ёшли Кейси Брегел 13 та ҳайвонга шавқатсиз муносабатда бўлганини маълум қилганидан сўнг 200 соат жамоат меҳнатига, икки йил синов ва 90 кун давомида уйини электрон назорат қилишга ҳукм қилинди, деб ёзади Forum Daily.

Аёл, шунингдек, психологик текширувдан ўтиши ҳам лозим.

Кейси Брегел Миннесота Animal Rescue нотижорат ташкилотида раҳбарлик қилган. Унинг ҳудудида назоратсиз юрган 181 килограммлик чўчқа ҳақида бир неча марта мурожаат келиб тушганидан сўнг полиция унга эътибор қаратган.

Аёлнинг уйи тинтув қилинганда 43 та тирик, 64 та ўлик мушуклар, шунингдек, денгиз чўчқаси ва бешта кучук борлигини аниқланган. Ҳайвонларнинг аҳволи ёмон, уй ҳам ёқимсиз ҳид билан тўла бўлган.

Ўлган мушуклар музлатгич, совутгич, гараж ва орқа ҳовлида кўмилган бўлган.

Хабарда айтилишича, Брегел 2017 йилнинг илюл ойидан 2018 йилнинг февраль ойигача Animal Humane  Society’дан 150 га яқин мушуклар олган.