Голливуд актрисаси Анжелина Жоли Бред Питт билан расман ажрашгач, иккитали Жоли-Питт фамилиясидан озод бўлди. У энди яна барча ҳужжатларда Анжелина Жоли деб қайд қилинади. Бу ҳақда Sputnik хабар берди.
12 апрель куни суд Анжелина Жоли ва Бред Питтнинг ажрим даъвосини маъқуллаб қарор чиқарган. Шу билан бирга, ушбу қарор собиқ эр-хотинларнинг бола қарамоғи ва мулкни тақсимлаш тўғрисидаги битим бўйича ишлашига имкон беради. Бу жараён бир неча ойга чўзилиши мумкин.
Жоли ва Питт 2014 йил турмуш қурган эди. Никоҳ маросими Франциядаги Миравал саройида бўлиб ўтган. Бирга яшаган пайти жуфтлик 3 нафар фарзанд кўрган. Бундан ташқари яна 3 нафар фарзанд асраб олган. 2016 йил Жоли ажрашиш учун ариза берган. У турмуш ўртоғининг тарбия методларидан норози бўлганини сабаб қилиб кўрсатган. Актриса фарзандларини бир ўзи тарбиялашни хоҳлаган.
Изоҳ (0)