Жулиан Ассанжнинг отаси ўғлини Австралияга экстрадиция қилишларини сўради

Лондонда ҳибсга олинган Wikileaks асосчиси Жулиан Ассанжнинг отаси Австралия расмийларини ўғлини ватанига экстрадиция қилинишига эришишга чақирди. Бу ҳақда Meduza хабар берди.

Жон Шиптонга кўра, воқеаларнинг бундай ривожи барча томонларни қониқтирган бўларди. Ўғлининг экстрадицияси масаласи эса сенат аъзоларининг Австралия ТИВ вакиллари билан учрашувида муҳокама қилинган.

Шиптон ўғлининг ҳибсга олиниши кадрлари уни ҳайратга солганини яширмади.

«Полициячилар уни зиналардан олиб тушаётганини кўрдим. Унинг кўриниши жуда ёмон эди. Мен 74 ёшдаман, Жулиан 47 да, аммо ҳозир ундан яхшироқ кўринишдаман», — деди Жон Шиптон.