Олий Рада депутати, Украина қаҳрамони Надежда Савченко қамоқдан озод қилинди. Бу ҳақда Meduza хабар бермоқда.
Киев вилоятининг Броварск шаҳар суди Савченконинг ҳибс муддати тугагани сабабли шундай қарор қабул қилди. У билан шериги Владимир Рубан ҳам озод қилинди.
Савченко ва Рубан 2018 йил март ойидан бери қамоқда сақланаётган эди. Прокуратурага кўра, улар Украина парламентида теракт ва президент Пётр Порошенкога суиқасд уюштиришга тайёргарлик кўрган.
Изоҳ (0)