Поп тумани темир йўл бекатида Қуролли Кучлар резервига бўшатилган ҳарбий хизматчиларни кутиб олиш тадбири ўтказилди. Бу ҳақда «Дарё»га Наманган вилояти мудофаа ишлари бошқармаси маълум қилди.
Тадбирда ҳокимлик, мудофаа ишлари бошқармаси, Ёшлар иттифоқи, «Маҳалла» ва «Нуроний» жамғармалари мутасаддилари, аскарларнинг ота-оналари, маҳалла фаоллари ҳамда ўқувчи ёшлар иштирок этди.
Унда сўзга чиққан масъуллар Қуролли Кучлар резервига бўшатилган ҳарбий хизматчиларга берилаётган имтиёзлар ҳақида маълум қилди. Туман маданият бўлими томонидан тайёрланган концерт дастури намойиш этилди.
—Бугун кутиб олинган 86 нафар аскар сафида ўғлим Мақсуджон ҳам бор эди. Термизда йигитлик бурчини ўтаб қайтган фарзандимнинг камолини кўриб, бениҳоя қувондим. Бу ерда билдирилган фикрлардан у ва ўртоқларининг келгусидаги ҳам парвозлари баланд бўлишига ишонч ҳосил қилдим, — дейди аскар онаси Зайнабхон Ҳожиакбарова.
Изоҳ (0)