Халқаро пресс-клубнинг Ўзбекистон ислом цивилизацияси маркази фаолиятининг асл моҳияти, бу ерда амалга оширилган қурилиш ишларига бағишланган пресс-тур форматидаги сессияси ташкил этилди. Бу ҳақда ЎзА хабар беради.
Маълумот берилишича, Ислом цивилизацияси маркази музейи экспозициясини шакллантириш бўйича ҳам ишлар олиб борилмоқда. Музей жами 11 йўналишни ўзига қамраб олади. Улар Исломгача Марказий Осиё, ёзув маданияти, китобат, миниатюра ва хаттотлик санъати, Ислом таълимоти, илм-фан тараққиёти, шаҳарсозлик ва меъморчилик, Вақф хўжалиги ва бошқа йўналишлардир.
Пресс-тур давомида журналистлар марказ қурилиши, иш жараёни, шарт-шароитлар билан ҳам яқиндан танишди.«Марказ уч қаватдан иборат, унинг биринчи қаватида музей фондини, техник жиҳозларни сақлаш учун омборлар, иккинчи қаватда музей жойлашади. Музейда Қуръони Каримнинг мусхаф нусхаси ҳам бўлади. Бинонинг учинчи қаватида илмий тадқиқот институти жойлашади ва унда олимларимиз соҳага оид тадқиқотларни олиб боради», — дейди Вазирлар Маҳкамаси ҳузуридаги Алоҳида муҳим ижтимоий, маданий ва тарихий аҳамиятга эга бўлган объектларни қуриш, реконструкцияси қилиш ва мукаммал таъмирлаш дирекцияси бош мутахассиси Умиджон Тўймуродов.
Қурилиш ишлари 2019 йил декабрь ойида ниҳоясига етиши режалаштирилган. Ҳозирги кунда қурилиш ишларига 1200 га яқин қурувчи жалб қилинган.
Изоҳ (0)