10 апрелнинг эътиборга молик янгиликлари — «Дарё» дайжестида.
11 апрелдан Тошкент кўчаларида Йўл ҳаракати қоидаларига риоя қилинишини патруль вертолёти кузатиб боради.
Эслатиб ўтамиз, Шавкат Мирзиёев 10 январь куни Юнусобод туманидаги 7-ички ишлар бўлимига ташрифи чоғида Тошкент шаҳар Ички ишлар бош бошқармасига замонавий вертолётлар ажратиш бўйича топшириқлар берган эди.
***
Нидерландиялик олимлар илк бор қора туйнукни суратга олишга муваффақ бўлди.
Ушбу қора туйнуккача бўлган масофа тахминан 50 миллион ёруғлик йили ёки қарийб 500 триллион километрни ташкил этади. Уни суратга олиш учун у турли қитъаларда жойлашган саккизта телескопнинг тармоғи керак бўлган.
***
Йўл ҳаракати қоидаларига ўзгартириш киритиш тўғрисидаги Ҳукумат қарори (292-сон, 09.04.2019-й.) қабул қилинди.
Унга кўра, Ўзбекистонда кундуз куни транспорт воситалари чироқларни ёқиб ҳаракатланиши шартлиги белгиланди.
Шунингдек, янги йўл белгилари жорий қилинди.
***
Монополияга қарши курашиш қўмитаси GM Uzbekistan туманга қарши фараларни охиригача етказиб бермаганлигини фош қилди.
Қўмита талаби билан, автомобиль ишлаб чиқарувчи аввал сотилган 6 мингтадан ортиқ автомобиллар комплектациясидаги фараларни етказиб берган ва истеъмолчиларга 2,5 миллиард сўмдан зиёдни зарарни қоплаган.
Аммо, GM Uzbekistan маълум қилишича, автомобилларнинг туманга қарши фараларсиз харидорларга етказилиш ҳолатлари мазкур бутловчи қисмнинг етказиб берилишида кечикиш юзага келганлиги сабабли харидорларни огоҳлантирган ва улар билан келишилган ҳолда амалга оширилган. Автомобильларни эгаларига ўз вақтида етказиб бериш мақсадида компания уларни вақтинча туманга қарши фараларсиз, кейинчалик ўрнатиб бериш шарти билан қарор қабул қилган.
***
Amnesty International Ўзбекистоннинг собиқ Бош прокурори Рашиджон Қодиров учун одил судловни талаб қилди.
Amnesty International коррупцияда айбланиб қамоқда сақланаётган Ўзбекистон собиқ Бош прокурори Рашиджон Қодировнинг суд ишида очиқликка ва судларда мустақил экспертлар ҳамда халқаро кузатувчилар иштирокини таъминлашга чақирди.
Изоҳ (0)