8 апрель куни соат 04.00 ларда Нукус шаҳри, Тахтакўпир кўчасида яшовчи, 1956 йилда туғилган Д.М. уйида юрган номаълум шахснинг овозини эшитиб, у томонга борган вақтда номаълум шахс кўкрак қафасининг ўнг қисмига пичоқ урди. Бу ҳақда Бош прокуратура матбуот хизмати маълум қилди.
Шунингдек, номаълум шахс Д.М. уйдагиларни ёрдамга чақирган вақтда чиқиб келган 1961 йилда туғилган турмуш ўртоғи А.Ш.нинг кўкрак қафаси чап томонига пичоқ уриб, воқеа жойидан яширинган.
А.Ш. олган тан жароҳати оқибатида воқеа жойида вафот этган, Д.М. шифохонага ётқизилиб, зудлик билан кўрсатилган тиббий ёрдам натижасида унинг ҳаёти сақлаб қолинган.
Мазкур ҳолат юзасидан Нукус шаҳар прокуратураси томонидан 8 апрель куни Жиноят кодексининг 97-моддаси 2-қисми «а» банди билан жиноят иши қўзғатилган. Жиноятни содир этган шахсни аниқлаш учун барча зарур тезкор-қидирув ва тергов ҳаракатлари амалга оширилмоқда.
Изоҳ (0)