Андижон вилоятининг Булоқбоши туманидаги «Учтепа» конининг 7-қидирув қудуғида табиий газнинг янги манбаси топилди. Бу ҳақда «Ўзбекнефтгаз» АЖ матбуот хизмати маълум қилди.
Мазкур ҳудуддан суткасига ўртача 300-350 минг куб метр табиий газ чиқмоқда.
7-қидирув қудуғи 1350 метр чуқурликкача бурғиланган. Энди 10 кун давомида тегишли параметрларни (босим, ҳарорат, газ таркиби ва ҳоказо) аниқлаш учун газ-конденсат тадқиқот ишлари олиб борилади.
Янги коннинг очилиши Фарғона водийси аҳолисини табииий газ билан таъминлаш имкониятини оширишга хизмат қилиши айтилмоқда.
Изоҳ (0)