Мичиган штатининг фуқароси 30 йил давомида унда сақланган метеоритни баҳолаш учун маҳаллий университетга мурожаат қилган, дея хабар беради National Geographic.
Олим дарҳол унинг олдидаги нарса оддий тош эмаслигини тушунган. «Бу ҳаётим давомида қўлимда ушлаган энг қимматбаҳо намуна», — дейди у. Мона топилмани рентген нурлари остида ўрганиб, уни Смицон институти лабораториясига юборган. Таҳлиллар бу 88 фоиз темир ва 12 фоиз никелдан ташкил топган ҳақиқий метеоритлигини кўрсатган.
Метеорит қизиқарли тарихга эга. Мазурекнинг сўзларига кўра, у 1988 йилда Эдмор қишлоғида фермер хўжалиги сотиб олган. Ферманинг собиқ эгаси, орқа боғга 1930 йилларда катта метеорит тушганини айтган. У отаси билан метеоритни қазиб чиқаргани ва эшикни ёпиб туриш учун қолдирганлигини сўзлаб берган.
Ферманинг янги эгаси кейинчалик Гранд-Рапидсга кўчиб ўтган ва ўзи билан бирга барча мулкни, жумладан, осмон жисмини ҳам олиб кетган. Янги жойда ҳам у 10 килоли тошни эшикни ёпиб туриш учун ишлатган. Аммо одамлар метеоритларнинг орқасидан пул топишини эшитиб, у ўзининг намунаси қанчалик қимматбаҳо эканлигини билишга қарор қилган.
Олимларнинг фикрича, қимматбаҳо топилма 100 минг долларга сотилиши мумкин. Эдмор метеоритининг асосий харидори — Смицон институт ҳамда Мен штати университетидир. Ўз навбатида, Мазурек олган даромадидан 10 фоизини хайрия қилишга ваъда берган.
Изоҳ (0)