Кубалик олимлар Сьенфуэгос провинциясининг Дамухи ҳудудида олиб борилган қазишмаларда жуда кўп миқдордаги птерозавр қолдиқларини топди. Бу ҳақда «Korrespondet.net» хабар берди.
Мутахассисларнинг фикрича, рептилия Бўр даврида яшаган (145-66 миллион йил аввал).
Топилма АҚШнинг Монтана университети мутахассислари томонидан ҳам ўрганилган. Айнан улар ушбу қолдиқлар сайёрадаги қадимий жонзотларнинг қайси турига тегишли эканлигини аниқлаган.
Хабарда айтилишича, птерозаврлар ҳавога учган биринчи умуртқали ҳайвонлар эди. Уларнинг қанотлари тери ва бошқа тўқималардан иборат бўлган мембранадан шаклланган бўлиб, олд оёқларнинг узунлашган тўртинчи бармоғига бириккан.
Изоҳ (0)