Самарқанд вилоятининг Жомбой туманида «Обод қишлоқ» ва инвестиция дастури асосида бир қатор мактабгача таълим муассасаси фойдаланишга топширилди. Бу ҳақда Zarnews хабар бермоқда.
1 апрель куни туманда замонавий кўринишга келтирилган учта MTM фаолият бошлади.
Шунингдек, 11 та оилавий мактабгача таълим муассасалари очилди. Давлат-шерикчилик шарти асосида ишга туширилган мазкур боғчалар 270 нафардан ортиқ болани қамраб олади.
— Икки қаватли турар-жойимиз ўрнида уй боғчасини очдик, — дейди «Феруза» номли оилавий НMTM мудираси Маъмура Донақулова. — Жиҳозлаш учун имтиёзли кредит маблағлари ажратиб берилди. Қолаверса, оила аъзоларимнинг икки нафарини ишга олдим. Улар бюджетдан маош олиб ишлайди. Озиқ-овқат таъминоти давлат томонидан етказиб берилади. Фаолиятимиз кўпчиликда қизиқиш уйғотяпти. Боласини оилавий боғчага бериш истагини билдирган талабгорлар кўп.
«Болажон» оилавий боғчасида ўтказилган тадбирда хусусий тадбиркорларнинг 11 нафарига оилавий НMTMни юритиш учун ҳужжатлар топширилди.
Изоҳ (0)