Ҳосилбек Қурбоналиев 2003 йилда туғилган. У 2017 йилдан бери бетоб. Шифокорлар болага турли ташхислар қўйди. Хусусан, умуртқа поғонасида муаммоси борлигини айтиб, унга корсет тақиб юришни тайинлашди.
Ҳосилбекнинг аҳволи яхшиланиш ўрнига ёмонлашавергач, уни гематология шифохонасига олиб боришди. Бу ерда Ҳосилбекка кутилмаганда оққон ташхиси қўйилди.
У 52 кун шифохонада ётди. Кучли укол ва дорилар қабул қилди.
Онасининг айтишича ҳозирги кунда у юролмай қолган.
«Ҳар куни бир миллионга яқин пул сарфланмоқда. Икки марта 6000 долларлик тромба олдик. Ҳозирги кунгача уйимиздаги бор нарсани сотдик, қариндошлардан қарз кўтардик. Бироқ шунга қарамай қўлимиз калталик қиляпти. Олдинда бизни яна икки йиллик даволаниш муолажалари кутяпти», — дейди Ҳосилбекнинг онаси.
Ҳосилбекнинг онаси ўзи ҳам гепатитга чалингани, бунинг устига яна бир фарзанди мунтазам даволанишни талаб этувчи касал эканлигини маълум қилди.
Азиз юртдошлар, Ҳосилбек ва унинг оиласига қўлдан келгунича ёрдам берайлик!
Онасининг телефон рақами: +998998325250
Агробанк: 8600 0417 4427 1579
Қишлоқ қурилиш банк: 8600 0904 7492 8015
Изоҳ (0)