Россиянинг Красноярск шаҳри мэри Сергей Ерёмин Ўзбекистоннинг Новосибирск шаҳридаги бош консули Юсуф Кобулжанов билан учрашди. Бу ҳақда UzDaily хабар бермоқда.
Бош консул мэрни Красноярскда талабалар ўртасида Бутунжаҳон қишки универсиадаси юксак даражада ўтказилгани билан қутлади. Мазкур универсиадада ўзбекистонлик спортчилар ҳам муносиб иштирок этгани эътироф қилинди.
Учрашув давомида томонлар турли йўналишларда ҳамкорлик истиқболларини муҳокама қилди. Жумладан, Красноярскда ўзбек товарлари дўконини очиш, ўзбекистонлик талабаларнинг Сибирь федерал университетида олий маълумот олиши, шунингдек, ўзбек спортчиларининг универсиада объектларида машғулот ўташи имкониятлари кўриб чиқилди.
Маълумот учун, Красноярскда 4 минг нафарга яқин ўзбек истиқомат қилади.
Изоҳ (0)