29 март, жума куни футбол бўйича Германия Бундеслигасининг 27-тур баҳсларига старт берилди.
Турнинг дастлабки беллашувида «Ҳоффенҳайм» клуби «Байер Леверкузен»ни йирик ҳисобда мағлубиятга учратди (4:1).
Учрашувнинг 10-дақиқасида мезбон жамоа аъзоси Исхак Белфодил рақиб дарвозасини ишғол қилган бўлса, орадан 7 дақиқа ўтиб Кевин Фолланд ҳисобни тенглаштирди (1:1). 51-дақиқага келиб «Байер» футболчиси Свен Бендер ўз дарвозасига гол уриб қўйди. 61-дақиқада эса Исхак Белфодил дублга эришган бўлса, 79-дақиқада Андрей Крамарич ҳам ўз номига гол ёздириб қўйди (4:1).
30 март, шанба куни Нико Ковач қўл остидаги Мюнхеннинг «Бавария» клуби сафарда «Фрайбург»ни синовдан ўтказади.
Эслатиб ўтамиз, мюнхенликлар сўнгги турда ўз майдонида «Майнц» клубини қабул қилиб, жавобсиз 6 та гол урганди.
Шу куни мусобақа жадвалида 60 очко тўплаган ҳолда 2-ўринда бораётган Дортмунднинг «Боруссия» клуби ўз майдонида «Вольфсбург»ни қабул қилади.
Маълумот учун, Люсен Фавр шогирдлари мусобақанинг 26-турида «Майнц»ни кичик ҳисобда мағлубиятга учратганди (3:2).
Дитер Ҳекинг бошлиқ «Боруссия Мюнхенгладбах» клуби меҳмонда «Фортуна Дюссельдорф» жамоаси билан ўйнайди. Учала учрашув ҳам Тошкент вақти билан соат 19:30 да бошланади.
Маълумот учун, мюнхенгладбахликлар айни дамда мусобақа жадвалида 4-ўринда бормоқда.
26-турдан сўнг мусобақа жадвалидаги ҳолат:
Бундеслига
27-тур баҳслари
29 март, жума
«Ҳоффенҳайм»—«Байер Леверкузен» 4:1
Голлар: 1:0 — 10 Белфодил, 1:1 — 17 Фолланд, 2:1 — 51, автогол, Бендер, 3:1 — 61 Белфодил, 4:1 — 79 Крамарич30 март, шанба
«Ньюрнберг»—«Аугсбург» 19:30
«Фортуна Д»—«Боруссия Мюнхенгладбах» 19:30
«Фрайбург»—«Бавария» 19:30
«Вердер»—«Майнц» 19:30
«Боруссия Дортмунд»—«Вольфсбург» 19:30
«Лейпциг»—«Ҳерта» 22:30
31 март, якшанба«Ҳанновер»—«Шальке-04» 19:30
«Айнтрахт»—«Штутгарт» 22:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)