3 март куни Самарқанд вилояти Пахтачи тумани Зиёвуддин темир йўл бекати атрофида мазкур туманда яшовчи, вақтинча ишсиз 1997 йилда туғилган Норбек Мансуров, 1990 йилда туғилган Элдор Ходжиев, 1993 йилда туғилган Холиқул Хўжаев «Қорақўтон» тоғ конидан 60 кг қимматбаҳо руда тошларни талон-тарож қилаётганлиги аниқланган. Бу ҳақда Самарқанд вилояти ИИБ матбуот хизмати «Дарё»га хабар берди.
Самарқанд вилояти ИИБ транспортда жамоат хавфсизлигини таъминлаш бўлими ходимлари томонидан олиб борилган терговга қадар текширув ишлари давомида 60 кг руда тошларида 2,2 грамм олтин борлиги маълум бўлган.
Пахтачи туман маъмурий суди томонидан Маъмурий жавобгарлик тўғрисидаги Кодекснинг 60 (Табиий ресурсларга эгалик ҳуқуқини бузиш), 61 (Оз миқдорда талон-торож қилиш), 194-модда (Милиция ходимининг қонуний талабларини бажармаслик )лари қўлланилиб, уларнинг ҳар бирларига нисбатан 12 суткадан маъмурий қамоқ жазоси қўлланилган.
Изоҳ (0)