Марказий банкда MasterCard Europe вакиллари билан учрашув бўлиб ўтди. Бу ҳақда банк матбуот хизмати маълум қилди.
Учрашув давомида томонлар Ўзбекистонда нақд пулсиз тўловларни ривожлантириш доирасида ўзаро ҳамкорлик масалаларини муҳокама қилди.
Марказий банк ва MasterCard Europe ўртасида чора-тадбирлар протоколи имзоланди. Ҳужжатда «Ҳумо» тизими тармоғида тўлов воситаларини қабул қилиш соҳаси ва инфратузилмасини ривожлантириш, яратилаётган тўлов инфратузилмасида MasterCard карталаридан фойдаланишни кенгайтириш кўзда тутилган.
Томонлар Ўзбекистон фуқаролари халқаро ҳисоб-китобларни «Ҳумо» тўлов карталаридан MasterCard тўлов воситаларидан фойдаланган ҳолда амалга ошириши имкониятини кўриб чиқди.
Изоҳ (0)