Ўзбекистон Республикаси Президенти Шавкат Мирзиёев томонидан 2019 йил 19 март куни ўтказилган видеоселектор йиғилишида– мактабларга китоб совға қилиш тўғрисида билдирган ташаббусини «Микрокредитбанк» АТБ жамоаси – қўллаб-қувватлаган ҳолда, китоб совға қилишда ўзига хос ёндашув билан киришди.
Гап шундаки, банк томонидан пойтахтимиздаги А.Хлебушкина номли 22-сонли меҳрибонлик уйи тарбияланувчиларининг ҳар бирига ўқув дарсликлари ва бадиий китоблар туҳфа қилинди.
Соҳибқирон Амир Темур таъбири билан айтганда, «Китоб (битиг) барча бунёдкорлик, яратувчилик ва ақл-идрокнинг, илму донишнинг асосидир». Инсоннинг маънавий камолотга эришуви ҳамда бу ёруғ дунёни англашида – китобдек беминнат ва улуғ хилқат йўқ.
Шу маънода, кўнгли ярим жигарбандларимизга армуғон этилган бу китоблар ҳам, ушбу масканда тарбияланувчиларнинг кўпроқ илм эгаллашига, улар дунёқарашининг кенгайишига, маънавий дунёлари бойишига камтарона ҳисса қўшади, деган ёруғ умидлар бор.
Эзгу ишнинг эса – миқдор, вақт ҳамда сабаб каби мезон ва ўлчовлари йўқлигини кўпчилик билади.
Реклама ҳуқуқи асосида.
Изоҳ (0)