2019 йил охиригача Тошкентда 61 та замонавий санитария-гигиена шохобчаси қуриб, фойдаланишга топширилади. Бу ҳақда Тошкент шаҳар ҳокимлиги матбуот хизмати хабар берди.
Ҳозирда шундай шохобчалардан иккитаси фойдаланишга топширилган. Уларнинг бири Яккасарой туманидаги Аския бозори ёнида жойлашган. Уни қуриш учун 100 миллион сўмдан ортиқ маблағ сарфланган. Иккинчиси эса Алишер Навоий номидаги кинотеатр яқинида иш бошлади. Унга 85 миллион сўм сарф қилинган.
Лойиҳа маблағларининг 50 фоизи тадбиркор томонидан, 50 фоизи эса «Ёшлар — келажагимиз» жамғармаси томонидан қопланади.
Эслатиб ўтамиз, замонавий санитария-гигиена шохобчасини барпо этган тадбиркорларга солиқ тўловида имтиёзлар белгиланган.
Изоҳ (0)