Жорий йилнинг 22—23 март кунлари Москва шаҳрида ўтказилаётган самбо бўйича Жаҳон кубогида Ўзбекистон миллий терма жамоаси ҳам иштирок этмоқда. Бу ҳақда Жисмоний тарбия ва спорт вазирлиги матбуот хизмати хабар берди.
Мусобақанинг биринчи кунида жанговар самбо бўйича 57 кг вазн тоифаси вакили Сирожиддин Анорқулов барча рақибларини мағлубиятга учратиб, олтин медалини қўлга кирилган бўлса, ушбу йўналиш бўйича баҳсларда иштирок этган яна бир спортчи, Осиё чемпиони Зафар Аллабергенов (-68 кг) ҳам барча рақиблари устидан зафар қучди ва олтин медалига сазовор бўлди.
Жанговар самбо бўйича яна бир ўзбекистонлик вакил Бекзод Нурматов (-82 кг) мусобақанинг кумуш медалига эга чиқди.
Шунингдек, Улуғбек Раҳмонов (-82 кг), Зуҳрахон Маъмуржонова (-52 кг) ҳамда Тимур Худойқулов (-68 кг) ўз вазнларида шоҳсупанинг учинчи поғонасига кўтарилди.
Шундай қилиб, самбо бўйича Ўзбекистон терма жамоаси жаҳон кубогининг биринчи кунида 2 та олтин, 1 та кумуш, 3 та бронза жами 6 та медални қўлга киритди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)