Профессионал бокснинг енгил (-61,2 кг) вазн тоифаси вакили ўзбекистонлик Элнур Абдураимов (3 та ғалаба, 3 та нокаут) Россиянинг Екатеринбург шаҳрида ташкил қилинган бокс кечасида ўзининг навбатдаги жангини ўтказди.

6 раундга мўлжалланган жангда Элнур мезбон боксчи Дмитрий Хасиевни 2-раунднинг ўзидаёқ нокаутга учратиб, ғалабани ўз томонига оғдирди.

Таъкидлаш жоиз, бу Абдураимовнинг профессионал боксдаги тўртинчи жангидаги тўртинчи ғалабаси ҳисобланади.

Эслатиб ўтамиз, Элнур Абдураимов профессионал боксдаги дастлабки иккита жангини АҚШда ўтказган. Сўнгги жангини эса 10 ноябрь куни Екатеринбургда бразилиялик Аэлио Мескитага (17 та ғалаба, 4 та мағлубият, 15 та нокаут) қарши ўтказиб, биринчи раунддаёқ рақибини нокаутга учратганди.