Аризона штатида яшовчи 48 ёшли Машел Хакни ва унинг икки нафар ўғли Логан и Райан Хакни Youtube каналининг «Фантастик саргузаштлар» машҳур шоуси учун етти боланинг устидан шафқатсиз муносабатда бўлгани учун ҳибсга олинган, дея хабар беради «ForumDaily».
Марикопа шаҳар полицияси маълумотларга кўра, она ва икки нафар ўғил болаларни бир неча кун давомида шкафда ёки ваннахонада озиқ-овқат, сувсиз сақлаш, уларга қалампир спрейини пуркаш, шунингдек муз тўлдирилган ҳаммом ичида чўмилишга мажбур қилгани учун ҳибсга олинган. Болалар Хакнининг уйидан болалар ижтимоий хизматларга топширилган ҳамда тиббий-суд экспертизадан ўтказилган.
Хакни етти болага нисбатан зўравонлик ишлатгани учун гаровга чиқиш ҳуқуқисиз қамоқда сақланмоқда. Полиция, Хакнининг катта ўғилларини бу ҳақда хабар бермагани учун ҳибсга олган.
Аёл шафқатсиз муносабатда бўлганини инкор этмоқда.
Полиция Хакнининг биологик қизидан болаларни бўғиш эҳтимоли ҳақида хабар топганидан сўнг унинг уйини текширган. Офицерлар болани тўлиб кетган тагликда шкафдан топган, қолган олти нафар бола ҳам ҳорғин оч ҳолатда бўлган.
Болалар полициячиларга оч ва чанқаганини маълум қилган. Улар оналари ургани, юзлари ва жинсий органларига қалампир пуркагани ва Youtube учун видео суратга олиш жараёнида хато қилгани учун бир неча соат давомида қўлларини кўтарган ҳолда бурчакда туришга мажбур қилинганини айтиб берган.
Youtube каналида ҳали ҳам мавжуд бўлган «Фантастик саргузаштлар» кўрсатуви 800 мингдан ортиқ кузатувчига эга бўлиб, ундаги роликлар 250 миллиондан ортиқ марта кўрилади. Болаларнинг айтишича, онаси ушбу роликда иштирок эцҳ учун болаларни мактабдан ҳам олган.
Youtube компанияси, Хакнининг ҳибсга олинганидан хабар топиб, канални демонетизация қилган.
«Youtube’да хавфсизликка жуда жиддий эътибор берилади. Биз болаларни ҳимоя қилиш учун етакчи болалар хавфсизлиги ташкилотлари билан яқиндан ҳамкорлик қиламиз. Ушбу турдаги жиддий айбловлар ҳақида билганимизда, биз монетизациянинг тўхтатилиши ёки тергов охирида каналларни бекор қилишни ўз ичига оладиган ҳаракатларни амалга оширамиз», — дейди Youtube вакили.
Изоҳ (0)