Arizona shtatida yashovchi 48 yoshli Mashel Xakni va uning ikki nafar o‘g‘li Logan va Rayan Xakni Youtube kanalining “Fantastik sarguzashtlar” mashhur shousi uchun yetti bolaning ustidan shafqatsiz munosabatda bo‘lgani uchun hibsga olingan, deya xabar beradi “ForumDaily”.
Marikopa shahar politsiyasi ma’lumotlarga ko‘ra, ona va ikki nafar o‘g‘il bolalarni bir necha kun davomida shkafda yoki vannaxonada oziq-ovqat, suvsiz saqlash, ularga qalampir spreyini purkash, shuningdek muz to‘ldirilgan hammom ichida cho‘milishga majbur qilgani uchun hibsga olingan. Bolalar Xaknining uyidan bolalar ijtimoiy xizmatlarga topshirilgan hamda tibbiy-sud ekspertizadan o‘tkazilgan.
Xakni yetti bolaga nisbatan zo‘ravonlik ishlatgani uchun garovga chiqish huquqisiz qamoqda saqlanmoqda. Politsiya, Xaknining katta o‘g‘illarini bu haqda xabar bermagani uchun hibsga olgan.
Ayol shafqatsiz munosabatda bo‘lganini inkor etmoqda.
Politsiya Xaknining biologik qizidan bolalarni bo‘g‘ish ehtimoli haqida xabar topganidan so‘ng uning uyini tekshirgan. Ofitserlar bolani to‘lib ketgan taglikda shkafdan topgan, qolgan olti nafar bola ham horg‘in och holatda bo‘lgan.
Bolalar politsiyachilarga och va chanqaganini ma’lum qilgan. Ular onalari urgani, yuzlari va jinsiy organlariga qalampir purkagani va Youtube uchun video suratga olish jarayonida xato qilgani uchun bir necha soat davomida qo‘llarini ko‘targan holda burchakda turishga majbur qilinganini aytib bergan.
Youtube kanalida hali ham mavjud bo‘lgan “Fantastik sarguzashtlar” ko‘rsatuvi 800 mingdan ortiq kuzatuvchiga ega bo‘lib, undagi roliklar 250 milliondan ortiq marta ko‘riladi. Bolalarning aytishicha, onasi ushbu rolikda ishtirok etsh uchun bolalarni maktabdan ham olgan.
Youtube kompaniyasi, Xaknining hibsga olinganidan xabar topib, kanalni demonetizatsiya qilgan.
“Youtube’da xavfsizlikka juda jiddiy e’tibor beriladi. Biz bolalarni himoya qilish uchun yetakchi bolalar xavfsizligi tashkilotlari bilan yaqindan hamkorlik qilamiz. Ushbu turdagi jiddiy ayblovlar haqida bilganimizda, biz monetizatsiyaning to‘xtatilishi yoki tergov oxirida kanallarni bekor qilishni o‘z ichiga oladigan harakatlarni amalga oshiramiz”, — deydi Youtube vakili.
Izoh (0)