15 март куни АҚШнинг Нью-Хемпшир штатида аёл ва эркакни ўз уйида отиб ўлдирганликда гумонланиб 11 ёшли бола ҳибсга олинди, деб ёзади Forum Daily.
Хабарда айтилишича, соат 7:30 да Нью-Хемпшир штати полициясига Altoн шаҳридаги уйлардан бирида отишма содир бўлганлиги ҳақида хабар келиб тушган.
50 ёшли Лизетт Эккерт воқеа жойида, 48 ёшли Жеймс Эккерт эса касалхонага олиб кетилаётганда вафот этган. Текширув натижаларида аниқланишича, ҳар иккиси бошига отилган ўқдан ҳалок бўлган.
Воқеада гумонланиб 11 ёшли бола ҳибсга олинган. Бироқ унинг жиноятга қандай алоқадорлиги ошкор этилмаган.
Эккертларни таниган қўшнилар уларнинг жуда яхши инсон бўлгани, маҳаллий черковга доим қатнаганини айтган
Вафот этган жуфтликнинг уч нафар боласи қолган.
Изоҳ (0)