Теҳроннинг «Меҳробод» аэропортида самолётда ёнғин чиқди. Бу ҳақда Fars News хабар бермоқда.
Ҳодиса 19 март куни маҳаллий вақт билан 21.00 атрофида юз берди. Аэропортга 10 та тез тиббий ёрдам машинаси юборилган.
Ёнғин чоғи самолёт бортида 100 киши бўлган. Улар жабрланмагани билдирилмоқда.
Йўловчи самолётининг қўниш чоғи шассиси очилмагани маълум бўлди. Ёнғин ҳаво кемаси қўнганидан сўнг рўй берган.
Изоҳ (0)