Владимир Жириновский ўзини дунёдаги энг «аҳмоқона» фамилия эгаси деб ҳисоблайди

Владимир Жириновский ўзининг фамилиясини «аҳмоқона» деб атади, деб «Вести.ru» хабар бермоқда

Унинг фикрича, тана қисмларининг номларидан олинган барча фамилиялар «аҳмоқонадир». У Новосибирск шаҳар ҳокимининг фамилияси «Локот» яъни «тирсак» деб аталишини мисол тариқасида келтириб ўтган.

Жириновскийнинг фамилияси «ёғ» сўзидан олинган. «Бундай «бетайин» фамилия дунёда бошқа ҳеч кимда йўқ», — деди Россия Либерал демократик партияси раҳбари.

«РИА Новости»нинг хабар беришича, Жириновский авлодида Половинкинлар, Горбуновлар, Сергучёвлар, Макаровлар ҳам бўлган. «Макаровни олишим керак эди», — дея қўшиб қўйди Жириновский.

Жириновский ўзини шундай ноёб фамилия эгаси деб ҳисобласа-да, интернетда қидирув бутунлай бошқача натижа кўрсатади. Мисол учун, Жемал, Даниэль ва Эля Жириновский исмли шахслар Санкт-Петербургда яшайди. Бошқа Владимир Жириновский Донецкда яшайди. Владимир Вольфовичнинг Адольф исмли фамилиядоши ҳам бор.