Тошкент шаҳар божхона бошқармасининг «Бош почтампт» божхона пости ходимлари психотроп дори воситалари жўнатмаси билан боғлиқ қоидабузарликларни аниқлади. Бу ҳақда ЎзА хабар берди.
Жумладан, фуқаро С.Ў. номига хориждан юборилган почта жўнатмаси божхона назоратидан ўтказилганда божхона декларациясида кўрсатилмаган 36 дона Рокаcет плус номли инсон руҳиятига салбий таъсир этувчи психотроп дори воситалари борлиги маълум бўлди.
Шунга ўхшаш ҳолатда хориждан келган почта жўнатмасида 150 дона Альпразолам ратиопҳарм номли психотроп дори воситаcи борлиги аниқланди.
Шунингдек, хориждан фуқаро Ш.Т. номига юборилган почта жўнатмаси ҳам божхона назоратидан ўтказилганда божхона декларациясида кўрсатилмаган 6 турдаги салкам 480 дона дори воситалари ҳамда психотроп дори воситалари борлиги маълум бўлди.
Ҳозирда ушбу ҳолатлар юзасидан текширув ҳаракатлари давом эттирилмоқда.
Изоҳ (0)