Humo Arena кўп тармоқли муз саройининг очилиш маросимида қатор ўзбек эстрадаси вакиллари, шунингдек таниқли россиялик хонандалар Филипп Киркоров, Николай Басков ва Дима Билан қўшиқ куйлади. Бу ҳақда «Дарё» мухбири Севара Нишонова хабар берди.
Тадбир давомида Николай Басков Ўзбекистон халқ артисти Юлдуз Усмонованинг қўшиқларини мароқ билан тинглашини ўзига хос тарзда маълум қилди.
Басков очилиш маросимида нафақат хонанда, балки дастур бошловчиси вазифасини ҳам бажарди. У сухандон Дилдора Рустамова билан биргаликда саҳнада қўшиқ куйловчи хонандаларни эълон қилиб турди.
Юлдуз Усмонова «Сабо бўлиб», «Қироличаман» ва «Санамгина» каби қўшиқларини ижро этди. У сўнгги қўшиқни ижро этиб, саҳнани тарк этаётганида бошловчилик вазифасини бажараётган Николай Басков Усмоновага қарата: «Ҳар гал сизнинг қўшиқларингизни тингласам, ўзимни ўзбек паловини еяётгандек ҳис этаман», деди.
Юлдуз Усмонова ҳамкасбининг мулозаматига кулиб миннатдорчилик билдириб, саҳнани тарк этди.
Изоҳ (0)