Доғистонда Филипп Киркоров концертида портлаш уюштирмоқчи бўлган шахс буни Максим Галкин буюртма қилганини айтди

ИШИДга аъзолиги тахмин қилинаётган 20 ёшли Доғистон фуқароси Хидирнеби Казуев Филипп Киркоров концертида теракт уюштирмоқчи бўлган. У хонандани ўлдириш шоумен Максим Галкиннинг буюртмаси эканлигини маълум қилди, деб хабар берди Meduza.

Айбланувчининг адвокати Исрофил Гададовнинг маълум қилишича, Казуев терактга тайёргарлик кўрганини инкор этган.

4 март куни айбланувчи тергов давомида 2017 йилда Москва шаҳрида Максим Галкин у билан учрашиб, икки миллион рубль эвазига Филипп Киркоровни ўлдиришни таклиф қилган.

Казуевнинг фикрича, Галкин Алла Пугачёвани Филипп Киркоровдан рашк қилгани учун қотилликни буюртма қилган.

Казуев Галкиннинг таклифига рози бўлган ва бир миллион рублни аванс сифатида олган.

Бироқ у кейинчалик ушбу ишдан бош тортган, чунки ушбу ҳолатдан кўп одам жабр кўради деб ҳисоблаган.

Хидирнеби Казуев Киркоров, Галкин, Пугачёвани чақириб, юзма-юз сўроқ қилинишини талаб қилган, бироқ ИИВ айбланувчи бу билан терговни чўзмоқчи эканлигини маълум қилган.

Максим Галкин ҳолатни изоҳлашдан бош тортган.