Профессионал бокснинг ўта оғир вазн (+90,7 кг) тоифаси вакили ўзбекистонлик Баҳодир Жалолов (4 та ғалаба, 4 та нокаут) 16 март куни АҚШда ўзининг бешинчи жангини ўтказди.
Жалоловга профессионал рингдаги 5-жангида америкалик Вилли Ҳарви рақиблик қилди. Жанг 2-раунддаёқ якунланди. Баҳодирнинг кучли зарбалари сабаб Ҳарви нокаут ҳолатига тушди. Натижада ҳакам ўзбекистонлик боксчининг мутлақ ғалабасини қайд этди.
Шу тариқа Жалолов 5-жангида ҳам нокаут билан ғалабага эришди.
Ҳарви эса бугунгиси билан қўшиб ҳисоблаганда 6 марта жанг ўтказиб, уларнинг 3 тасида ғолиб бўлган (3 та нокаут). Бугун эса 2-мағлубиятини қабул қилиб олди. 1 та жангида эса дуранг қайд этилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)