Москвадаги хонадонлардан бирида топилган «маугли қиз» ҳозирча касалхонада қолдирилади, деб хабар берди «РИА Новости».
Россия президенти қошидаги бола ҳуқуқлари бўйича вакил Анна Кузнецова қизни асраб олиш истагида бўлганлар борлигини маълум қилган. Шунингдек, унга ёрдам беришни хоҳловчилар кўплигини таъкидлаган.
Унинг айтишича, қизча «тапочка» деган сўзни тилга олган ва ҳозирча бошқа ҳеч нима демаган. Қизча ўзини нисбатан эркинроқ тутиб, каравотда ётишни бошлаган. Бундан аввал фақат стулда ухлаган. Бундан ташқари, бола фломастерлар билан расм ҳам чизмоқда.
Эслатиб ўтамиз, беш ёшли қиз 10 март куни Москвадаги уйлардан бирида ахлатга тўла хонадондан очлик ва чарчоқдан силласи қуриган ҳолда топилган. Унинг онаси ҳибсга олиниб, икки ойга озодликдан маҳрум қилинган.
Мавзуга доир: Москвада топилган «маугли қиз» гапира бошлади
Изоҳ (0)