ВКонтакте ижтимоий тармоғи Владимир Путиннинг «қабртоши» бўлган постларни кўриб чиқиб, уни қайтаришга қарор қилди, деб ёзади Afisha Daily.
Бу ҳақда ВКонтакте матбуот котиби Дмитрий Лушников маълум қилган.
«Аввалроқ ушбу суратларда монтаж ва фотошоп белгилари кузатилган. Кейинроқ Набережние Челни шаҳар суди акция ҳақиқатан ҳам ўтказилганини тасдиқлаган, инсталляциянинг оғзаки таърифи эса ижтимоий тармоқда тарқалган суратларга мос келган», — деган у.
Унинг таъкидлашича, бу тасдиқланмаган маълумотнинг оммавий тарқалишига қарши кўрилган чораларнинг биринчиси эмас. Юқоридаги вазиятда суратларни сохта деб топгани учун уларни яшириб қўйиб адашган, вазият ойдинлашгач уларни қайтиришга қарор қилган.
Эслатиб ўтамиз, 10 март куни акция ўтказилиб, Россиянинг Набережние Челни шаҳридаги ҳудудий тергов бошқармаси биноси олдида президент Владимир Путиннинг «қабртоши» қўйиб кетилган.
ВКонтакте тармоқда тарқалган суратларни президентнинг ўлими ҳақида тарқатилган ёлғон маълумот деб топиб, ушбу суратлар бўлган постларни ўчириб ташлаган.
Изоҳ (0)