Режиссёр Жаҳонгир Аҳмедов етти ойда «Бибихоним» тарихий сценарийсини ёзиб тугатганини маълум қилди. Бу ҳақда режиссёр Instagram’даги саҳифасида ёзиб қолдирган.
‘Бибихоним’ тарихий фильми сценарийси битди. Етти ойлик меҳнат, манбалар билан ишлаш, тарихий материаллар билан танишиш ниҳоят илк самарисини берди. Аммо шуни тан олишим керакки, ҳужжатлар ва манбалар, бу — бадиийлик эмас. Бадиий фильм сценарийси ёзилаётганда, албатта, бадиийликка эътибор қаратилади ва шундай бўлиши ҳам керак. Шу билан бирга, ҳар қандай бадиият томошабинни тарихий ҳақиқатдан чалғитмаслиги лозим. Бош мақсадимиз ҳам шу. ‘Бу энг охирги вариант’, дейишга шошилмайман, албатта. Чунки ижодий жараёнда ҳали кўп нарса ўзгариши, аниқлик киритилиши ва тўғриланиши табиий.Жаҳонгир Аҳмедов, режиссёр
Изоҳ (0)