Тошкент вилояти божхона бошқармаси ходимлари томонидан тегишли ташкилотлар билан ўтказилаётган профилактик тадбирлар ҳамда тушунтириш ишлари олиб борилишига қарамай, қонунбузарлар томонидан қинғир йўллар билан фойда олишга бўлган уринишлар ҳамон учраб турибди. Ана шундай ҳолатларнинг бири «Ғишткўприк» чегара божхона постида содир этилди, деб ёзади ЎзА.
Ўзбекистонга ўзининг Lacetti, Chevrolet Lacetti русумли автотранспорт воситаларини бошқариб кириб келган фуқаролар И.М. ва А.А.ларнинг автотранспорт воситалари белгиланган тартибда божхона кўригидан ўтказилди.
Натижада мазкур фуқароларнинг йўловчи божхона декларацияларида ёзиб кўрсатмасдан ҳамда оғзаки сўровда маълум қилмасдан, қиймати 43 750 000 сўмлик 875 дона ҳар хил рангдаги Голландия атиргулларини республикага олиб кираётгани фош қилинди.
Ҳозирда юқоридаги ҳолатлар юзасидан божхона текширувлари давом эттирилмоқда.
Изоҳ (0)