Бирлашган Араб Амирликлари ҳукумати хорижий фуқароларнинг муайян гуруҳига беш ва ўн йиллик резидентлик визаларини тақдим этишга рухсат берди, деб хабар берди «РБК».
Ушбу визаларни олиш учун эндиликда инвесторлар, бизнесменлар, олимлар, олий тоифадаги мутахассис ёки иқтидорли талабалар ариза бериши мумкин.
Мамлакат бош вазири Муҳаммад ибн Рашид ал-Мактум ушбу қарорни изоҳлар экан, амирликлар иқтидорларни кашф этувчи инкубатор бўлиб қолишини маълум қилган.
БАА 2018 йилнинг май ойида хорижий фуқаролар учун 10 йиллик виза бериши мумкинлиги ҳақида маълум қилган эди.
Ал-Мактум ўшанда янги тизим ўтган йилнинг учинчи чорагида кучга кириши кераклигини айтганди.
Бироқ ушбу муддат жорий йилнинг биринчи чорагига кечиктирилди.
Бунга қадар БАА хорижий фуқароларга уч йиллик резидентлик визаларини берарди.
Изоҳ (0)