Ўзбекистон Республикаси Президенти Шавкат Мирзиёев жорий йил 10 март куни Аддис-Абeба аэропортидан учиб чиқишда самолётнинг қулаши оқибатида экипаж аъзолари ва йўловчилар, жумладан, БМТ тизимининг 19 нафар ходими ҳалок бўлгани муносабати билан Эфиопия президенти Сахле-Ворк Зевде ва БМТ Бош котиби Антониу Гутерришга самимий ҳамдардлик билдирди. Бу ҳақда Президент матбуот хизмати хабар берди.
Маълумот учун, ҳалокатга учраган самолёт бортида 33 мамлакатдан 149 нафар йўловчи, шунингдек, саккиз нафар экипаж аъзоси бўлган.
Рўйхатга олиш рақами ET-АVJ бўлган Boeing 737-800 MAX маҳаллий вақт билан 08:38 да (Тошкент вақти билан 10:38) Аддис-Абeбадан Найробига йўл олган, у билан алоқа 08:44 да йўқолган.
Изоҳ (0)