ФИФА Қатардан 2022 йилги Жаҳон чемпионатига мезбонлик қилиш ҳуқуқи учун 780 миллион доллардан кўпроқ пул олган, деб хабар беради The Times.
Овоз беришдан уч ҳафта олдин федерация «Ал-Жазира» телеканали билан 354 миллион долларлик шартнома имзолаган. 2018 йилги Жаҳон чемпионатининг телетрансляция ҳуқуқини қўлга киритиш учун 118 миллион, Жаҳон Чемпионати—2022 мусобақаси учун ҳам шунча миқдорда маблағ тўлаган.
Агар 2022 йилда бўлиб ўтадиган мусобақага Қатар мезбонлик қиладиган бўлса, мамлакат ФИФАга яна 118 миллион доллар тўланиши кўзда тутилган.
Ҳужжатлар ФИФА ўша вақтдаги раҳбарлари Зепп Блаттер ва Жером Вальке томонидан имзоланган.
Кейинроқ 427 миллион долларлик яна битта шартнома имзоланганди. ФИФА пулларни beIN Media Group компаниясидан олиши керак бўлган. Мутахассисларнинг фикрига кўра, барча шартномаларнинг қиймати ошириб кўрсатилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)