9 март, шанба куни футбол бўйича Англия премьер лигасининг 30-тур баҳсларига старт берилади.
Мусобақа жадвалида 3-ўринда бораётган Лондоннинг «Тоттенҳэм» клуби сафарда «Саутҳемтон»га қарши майдонга тушади. Учрашув Тошкент вақти билан соат 20:00 да бошланади. Эслатиб ўтамиз, Маурисио Почеттино шогирдлари Европа Чемпионлар Лигаси 1/8 финалида «Боруссия Дортмунд»ни мағлуб этиб, кейинг босқичга чиққанди (умумий ҳисоб — 4:0).
Шу куни мусобақа жадвалида етакчиликни ўз қўлига олган Хосеп Гвардиола бошлиқ «Манчестер Сити» клуби ўз майдонида «Уотфорд»ни синовдан ўтказади. Баҳсга 22:30 да старт берилади.
10 март, якшанба куни 70 очко тўплаган ҳолда мусобақа жадвалида иккинчи ўринда бораётган Муҳаммад Салоҳ етакчилигидаги «Ливерпуль» жамоаси «Энфилд» стадионида «Бёрнли» билан баҳсга киришади. Ўйин соат 17:00 да бошланиши белгиланган.
Маурицио Сарри бошқарувидаги Лондоннинг «Челси» клуби ўз майдонида «Вулверҳэмптон» билан ўйнайди. Беллашув соат 19:05 да старт олади.
Турнинг марказий учрашуви «Эмирейтс»да бўлиб ўтади. Унда Унаи Эмери қўл остидаги «Арсенал» клуби Оле-Гуннар Сульшер бошлиқ «Манчестер Юнайтед» жамоаси билан жанг қилади. Тўқнашув 21:30 да бошланади. Маълумот учун, Манчестер клуби Чемпионлар Лигасининг нимчорак финалида Парижнинг ПСЖ жамоасини икки ўйин натижасига кўра 4:3 ҳисобида мағлубиятга учратиб, кейинг босқичга чиқди.
29-турдан сўнг мусобақа жадвалидаги ҳолат:
АПЛ
30-тур баҳслари
9 март, шанба
«Кристал Пэлас»—«Бёртон» 17:30
«Лестер»—«Фулҳэм» 20:00
«Кардифф»—«Вест Ҳэм» 20:00
«Саутҳэмптон»—«Тоттенҳэм» 20:00
«Ҳаддерсфилд»—«Борнмут» 20:00
«Ньюкасл»—«Эвертон» 20:00
«Манчестер Сити»—«Уотфорд» 22:30
10 март, якшанба«Ливерпуль»—«Бёрнли» 17:00
«Челси»—«Вулверҳэмптон» 19:05
«Арсенал»—«Манчестер Юнайтед» 21:30
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)