10 март, якшанба куни футбол бўйича Ўзбекистон Суперлигасининг 1-тури доирасида яна битта беллашув ўз ниҳоясига етди.
Куннинг сўнгги тўқнашувида Вадим Абрамов қўл остидаги Тошкентнинг «Бунёдкор» клуби Жиззахга сафар қилди. «Қалдирғочлар» у ерда «Сўғдиёна» жамоаси билан баҳс олиб борди.
Учрашувнинг 22-дақиқасида жиззахликлар аъзоси Достон Тошматов ҳисобни очди (1:0). 63-дақиқага келиб эса Жавоҳир Қаҳрамонов ўрнига захирадан майдонга тушган Санжар Қодирқулов ҳисобни тенглаштирди (1:1).
Ўйиннинг сўнгги дақиқаларида «Сўғдиёна» ўйинчиси Ойбек Нурматов ғалаба голини киритди ва учрашув қаҳрамонига айланди (2:1). Шу тариқа жамоа мусобақанинг дастлабки учрашувида муҳим 3 очкони қўлга киритди.
Суперлига
1-тур баҳслари
10 март, якшанба
«Сўғдиёна»—«Бунёдкор» 2:1
Голлар: 1:0 — 22 Достон Тошматов, 1:1 — 63 Санжар Қодирқулов, 2:1 — 90 Ойбек Нурматов«Сўғдиёна»: Милан Митрович, Искандар Шойқулов, Элёр Орифов, Кахи Maxарадзе, Нуриддин Ҳасанов, Санжар Рашидов, Сирож Мелиев, Шоҳруз Норхонов (Иззат Абдуллаев, 72), Достон Тошматов (Ойбек Нурматов, 69), Муҳаммадали Йўлдашев, Шаҳбоз Жўрабеков
«Бунёдкор»: Муроджон Зуҳуров, Исломжон Қобилов, Сергей Прохоров, Дилшод Аҳмадалиев, Жасур Жалолиддинов (Сардор Азимов, 79), Хуршид Ғиёсов, Жавоҳир Қаҳрамонов (Санжар Қодирқулов, 62), Миржаҳон Мираҳмадов, Нурилло Тўхтасинов, Улуғбек Абдуллаев, Абдулла Абдуллаев
Огоҳлантиришлар: Хуршид Ғиёсов (23), Дилшод Аҳмадалиев (57), Достон Тошматов (57), Элёр Орифов (60), Нурилло Тўхтасинов (90), Иззат Абдуллаев (90+4)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)