Кенияга учаётган Ethiopian Airlines самолёти ҳалокатга учраши оқибатида ҳеч ким омон қолмаган. Бу ҳақда «РИА Новости» Эфиопия давлат телерадиокомпаниясига таяниб хабар берди.
Бортда 33 мамлакатдан 149 нафар йўловчи, шунингдек, саккиз нафар экипаж аъзоси бўлган.
Рўйхатга олиш рақами ET-АVJ бўлган Boeing 737-800 MAX маҳаллий вақт билан 08:38 да (Тошкент вақти билан 10:38) Аддис-Абебадан Найробига йўл олган, у билан алоқа 08:44 да йўқолган.
Flightradar24 портали маълумотларига кўра, самолётнинг учиб чиққандан кейинги вертикал тезлиги барқарор бўлмаган.
Турли маълумотларга қараганда, йўловчиларнинг 32 нафари кениялик, 17 нафари эфиопиялик бўлган. Шунингдек, улар орасида 8 нафар Хитой фуқароси ҳам бўлган.
Ethiopian Airlines Group вакиллари Аддис-Абебадаги матбуот анжуманида бортда уч нафар россиялик бўлганини маълум қилган.
Изоҳ (0)