Венесуэла Ахборот вазири Хорхе Родригес Венесуэла тарихидаги электр энергиясининг энг катта оммавий ўчирилишига киберҳужум сабаб бўлганини маълум қилди, деб ёзади «Интерфакс».
У Венесуэла телевидениясидаги эфирда ҳужум, афтидан, АҚШ томонидан содир этилганини айтган. «Ҳужум ‘Гури’ ГЕСнинг автоматлаштирилган тизимига йўналтирилган», — деб таъкидлаган вазир.
Унинг айтишича, тизим электроэнергия ишлаб чиқарилишини назорат қилади. Кибер ҳужум ва хакерлар тизимни назорат қилишга уринаётгани маълум бўлгач, ГЕС хавфсизлик нуқтаи назаридан ишлашни тўхтатган. Бу эса Родригеснинг сўзларига кўра, деярли бутун мамлакатнинг электроэнергиясиз қолишига олиб келган.
Изоҳ (0)