Трамп администрацияси мудофаа учун 750 миллиард доллар сарфлашни таклиф қилади

АҚШ президенти Пентагон учун 2020 йилга 750 миллиард доллар бюджет талаб қилади. Бу жорий йил бюджетидан 4,7 фоизга кўп, деб хабар берди «Интерфакс».

Маблағларнинг бир қисми (718 миллиард доллар) бевосита Пентагон эҳтиёжлари учун сарфланади, қолган қисми эса ядро қуролини жанговар тайёргарлигини таъминлашда иштирок этаётган Энергетика вазирилиги билан биргаликда сарфланади. Ушбу талабнома ўтган йилнинг декабрь ойида собиқ мудофаа вазири Жеймс Меттис томонидан тузилган.

«Сўров кейинги ҳафтада ўтказилади. Конгресс бундай суммани тасдиқламаслиги эҳтимоли юқори. Чунки у Трамп билан рақобатлашувчи демократлар томонидан бошқарилади», — дейилади хабарда.

Пентагон вакили Чарлз Саммерс кейинги сешанбага қадар бу масалада бирор фикр билдиришдан бош тортди.

Хабарла айтилишича, тахминан 544 миллиард доллар «асосий» харажатларга ажратилган, 9 миллион доллар фавқулодда харажатлар учун олиб қўйилган, қолган 165 миллиард доллар эса хориждаги ҳарбий амалиётлар учун сарфланади (ҳозирда Афғонистон, Сурия ва Ироқда Америка қўшинлари бор).